FOREKS BOZORINING IQTISODIY TAQVIMI
Forex bozorida muvaffaqiyatli savdo qilish uchun tajribali ekspertlar va treyderlar ushbu bozorni tahlil qilishning ikkita asosiy – texnik va fundamental turidan foydalanadilar
Texnik tahlil o‘tmishdagi valyuta juftliklari, fyucherslar va boshqa savdo vositalari narxlarining harakatlari jadvalini o‘rganishga asoslanadi. Uning maqsadi, kelajakda narxlar harakatining aniq prognozlarini olishdir (qoidaga ko‘ra, faqat qisqa muddatli istiqbolda). Bunday tahlilni o‘tkazish jarayonida mutaxassislar matematik hisob-kitoblarni amalga oshirishlari, statistik ma’lumotlarni tahlil qilishlari, grafiklar bo‘yicha narxlar harakati geometriyasini o‘rganishlari ularga o‘z prognozlarini yaratish imkonini beradi.
Forex iqtisodiy taqvimi – nima?
Aytaylik, treyderni ushbu bozorning eng mashhur valyuta juftliklaridan biri – EUR/USD qiziqtirib qoldi. Ushbu savdo vositasi bo‘yicha narxlar harakati jadvalini doimiy ravishda yangilab turishdan tashqari, treyderlar uchun ushbu juftlik bo‘yicha narxlarning o‘zgarishiga ta’sir qiluvchi yangiliklar ham (asosiy banklarning foiz stavkalari, ishsizlik, inflyatsiya va boshqalar to‘g‘risidagi ma’lumotlar)vaqti-vaqti bilan e’lon qilib turiladi.
Ushbu va boshqa ko‘plab qiziqarli makroiqtisodiy ma’lumotlarni har doim treyderning maxsus iqtisodiy taqvimida topish mumkin. Taqdim etilgan moliyaviy voqealar ma’lumotlari butun dunyo bo‘ylab treyderlar uchun mavjud. Unda, barcha muhim iqtisodiy yangiliklar va muhim shaxslarning (YeI Markaziy banki, AQSh Federal rezervi rahbarlari) valyuta juftlarining o‘zgarish kurslariga ta’sir qiluvchi nutqlari, aniq sanalari mavjud.
Forex bozorining iqtisodiy taqvimi, treyderlar uchun yana ham qiziqarli, chunki unda e’lon qilingan ma’lumotlar davrlarida valyuta bozori juda sezilarli o‘zgaruvchanlikka (valyuta kurslarining keskin o‘zgarishi) duch keliishi bilan ham qiziqarlidir. Shu bilan birga, hatto qisqa muddatli pozitsiyalarini ochadigan bozor ishtirokchilari ham bunda yaxshi pul ishlab olishlari mumkin.
Ammo bu ma’lumotlarning barchasi ham narx o‘zgarishiga keskin ta’sir ko‘rsata olmaydi. Mutaxassislar, unda bozorga ta’sir qilmaydigan, o‘rtacha va kuchli ta’sirga ega bo‘lgan muhimlik darajasiga ega bo‘lgan bir necha turdagi ma’lumotlar turlarini ajratib ko‘rsatishadi. Shu bilan birga, ma’lumotlarning o‘zi sezilarli ahamiyat yoki ta’sirga ega bo‘lmasligi mumkin, biroq uni e’lon qilish vaqtida bozorda kutish bilan bog‘liq keskinlik allaqachon yuqori bo‘lishi va shu sababli bu davrlarda narxlarning keskin o‘zgarishiga olib kelishi mumkin.
